هەولێر.. یەكگرتوو لەگەڵ پارتی دیموكراتی گەلان كۆبووەوە
دیجیتاڵ میدیای سپێده
شاندێكی یه‌كگرتووی ئیسلامی كوردستان پێشوازیان كرد له شاندێكی پارتی دیموكراتی گه‌لان (هه‌ده‌په)
ئه‌مڕۆ سێشه‌ممه، شاندێكی یه‌كگرتووی ئیسلامی كوردستان، كه‌پێك هاتبوو له سه‌یدا خلیل ئیبراهیم كارگێری ئه‌نجومه‌نی جێبه‌جێكردن و به‌رپرسی ئه‌نجومه‌نی نوێنه‌ران و حكومه‌ت له‌گه‌ڵ د.محمد قادر هاودیانی به‌رپرسی په‌یوه‌ندییه‌كان و محمد داره‌تویی و عبدالعزیز هاشم كارگێرانی په‌یوه‌ندییه‌كان، پێشوازیان كرد له شاندێكی پارتی دیموكراتی گه‌لان (هه‌ده‌په)، كه‌پێك هاتبوو له‌به‌رێزان ئیمام تاشیئه‌ر و حوسه‌ین كاشماش ئه‌ندامانی په‌رله‌مانی توركیا و ناهیده ئارمش به‌رپرسی نوێنه‌راتی هه‌رێمی هه‌ده‌په و كاك حیكمه‌ت هاته‌ب ئه‌ندامی نوێنه‌رایه‌تی پارتی دیموكراتی گه‌لان.
له كۆبونه‌وه‌یه‌كدا په‌یوه‌ندییه‌كانی نێوان یه‌كگرتووی ئیسلامیی كوردستان و پارتی دیموكراتی گه‌لان و بارودۆخی ناوچه‌كه گفتوگۆی له‌سه‌ركرا، یه‌كگرتوو له‌لای خۆیه‌وه ته‌ئكیدی له چاره‌سه‌ری ئاشتییانه‌ى دۆزی كورد له توركیا كرده‌وه، له به‌رامبه‌ریشدا وه‌فدی میوان سوپاسی پێشوازیی گه‌رمی یه‌كگرتوویان كرد.
