هەواڵی کوردستان ئێستا

دیجیتاڵ میدیای سپێده‌

دەستەی سەرۆکایەتی ئەرکانی سوپای ئۆکراینا کوژرانی ١٠ هەزار سەربازی رووسیای راگەیاند.

لەو راگەیەندراوەی کە لە دەستەی سەرۆکایەتی ئەرکانی سوپای ئۆکراینا بڵاوکراوەتەوە، ئاماری زیانەکانی ھێزەکانی رووسیا لە ئۆکراینا بڵاوکراوەتەوە و تیایدا ھاتووە "لەدەستپێکی ھێرشی رووسیا بۆسەر وڵاتەکەمان تا ئێستا، ١٠ هەزار سەربازی ئەو وڵاتە کوژراون".

بەپێی راگەیەندراوەکە ھەروەھا سوپای ئۆکراینا تا ئێستا، ٧٩ فڕۆکە و ھێلیکۆپتەر، ٢٦٩ تانک، ٩٤٥ زرێپۆش، ١٠٥ تۆپھاوێژی ھێزەکانی رووسیای تێکشکاندووە.

لە راگەیەندراوەکەدا ئەوەیش خراوەتەڕوو کە تا ئێستا ٤٦٩ ئۆتۆمبێلی سەربازیی، سێ فڕۆکەی بێفڕۆکەوانی ھێزەکانی رووسیا لەلایەن ھێزەکانی ئۆکرایناوە تێکشێندراون.