سێ ڕوداوی هاتووچۆ له گه‌رمیان هەشت قوربانی لێ ده‌كه‌وێته‌وه
دیجیتاڵ میدیای سپێده
هاتوچۆى گەرمیان رایگه‌یاند: بەهۆی سێ ڕوداوی هاتوچۆ لەجۆری پێکدادان لەسنوری ئیدارەی گەرمیان هەشت کەس بریندار بوون.
بەڕێوەبەرایەتى هاتوچۆى گەرمیان ئه‌مڕۆ 7ی ئاداری 2022 رایگه‌یاند: سەر لە بەیانی ئەمڕۆ لە ڕێگای نێوان ڕزگاری -کفری نزیک (گوندی وەلی هێر ) ڕوداوێکی پێکدادان لە نێوان دوو ئۆتۆمبێل لە جۆرەکانی (تۆیۆتا کرۆلا و هۆندای تۆکسۆن) ڕویدا و دوو کەس بریندار بوون .
پاش نیوەڕۆی ئەمڕۆ دوو ئۆتۆمبێلی جۆری (جێب و نیسان ناڤارا) پێکیانداد و چوار کەس بریندار بون، ڕوداوەکە لەنزیک نەخۆشخانەی قەڵا ڕویداوە ئۆتۆمبێلی جۆری جێب دوو ئافرەت و منداڵێک تێیدا برینداربون و ئۆتۆمبێلی جۆری نیسان ناڤارا شۆفێرەکەی بەسوکی برینداربو.
هاوکات ڕوداوێکی تری پێکداندان لە نێوان دو ئۆتۆمبێلی جۆری( توێتا هایلۆکس و کیا فۆرتی )لە فلکەی پەنجا ماڵاکەی قەزای کەلار ڕویداوە، ڕوداوەکە بەهۆی لێدانی ئیشارەت بوە، بەهۆیەوە شۆفێری کیاکە و سەرنشینێکی توێتاکە برینداربو.
ئاماژه‌ی به‌وه‌شكرد:سەرجەم بریندارەکان گەیەنراونەتە نەخۆشخانە و لێکۆڵینەوە لە ڕوداوەکە دەستی پێکردوە.
