ئۆکراینا: 'زیاتر لە ١٢ هەزار سەربازی رووسی کوژراون'
2022-03-09 00:00:00 - سەرچاوە: سپێده
دیجیتال میدیای سپێده
سەرۆکایەتی ئەرکانی سوپای ئۆکراینا رایگەیاند کە ژمارەی ئەو سەربازە رووسیانەی لە جەنگدا کوژراون زیاترە لە ١٢ هەزار سەرباز.
لە راگەیەندراوێکدا سەرۆکایەتی ئەرکانی سوپای ئۆکراینا، ئاماری زیانەکانی سوپای رووسیای لە ١٤هەمین رۆژی جەنگی نێوان ئۆکراینا-رووسیای نوێ کردەوە.
لە راگەیەندراوەکەدا باس لەوە کراوە لە کاتێکدا زیاتر لە ١٢ هەزار سەربازی رووسی لەو جەنگەدا کوژراون، ٤٩ فڕۆکە، ٨١ هێلیکۆپتەر، ٣١٧ تانک، هەزار و ٧٠ زرێپۆش، ١٢٠ تۆپهاوێژ ، ٤٨٢ ئۆتۆمبێل، ٦٠ ئۆتۆمبێلی گواستنەوەی سووتەمەنی و حەوت فڕۆکەی بێفڕۆکەوان تێکشکێنرا کراون.
