وه‌قف شيعه مزگفت و حسه‌ينيه‌يل تا وه‌ختيگ ناديار داخست
2020-03-16 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ وه‌قف شيعه بڕيار داخستن مزگفت و حسيه‌نيه‌يل سه‌ر وه ئداره‌گه‌ى كرد له سه‌رجه‌م عراق تا وه‌ختيگ ناديار.
وه‌قف شيعه له به‌ياننامه‌يگ ئه‌را شه‌فه‌ق نيوز ئه‌وه ده‌رخست ك بڕيار داگه سه‌رجه‌م مزگفت و حسه‌ينيه‌يل سه‌ر وه ئداره‌گه‌ى له‌گشت عراق دابخه‌ێد وه‌ل وسانن هه‌ر چالاكييگ ئايينى يا رووشنهويرى و گرده‌بوين له‌تيان، ئه‌ويش له‌وه‌ر مقه‌يه‌تى له ته‌ندروستى و سه‌ڵامه‌تى مه‌ردم كۆمه‌ڵگا.
باس له‌وه‌يش كرد بڕياره‌گه له‌وه‌ر بارودوخ جياى ته‌ندروستى بويه ك تويش جه‌هان وه‌تايبه‌ت عراق هاتگه له‌باره‌ى بڵاوبوينه‌وه‌ى ڤايرۆس كۆرۆناى مه‌ترسيدار و له‌وه‌ر رينمايه‌يل شانه‌ى قه‌يران نيشتمانى.
