ڕەزامەندی درا لەسەر خەرجکردنی پاره‌ی چاودێری تاقیکردنەوەکانی ساڵی (2020-2021)
2022-03-16 00:00:00 - سەرچاوە: سپێده
دیجیتال میدیای سپێده
وەزیری پەروەردەی حكومه‌تی هه‌رێمی كوردستان رایگه‌یاند، ڕەزامەندی دراوه لەسەر خەرجکردنی زیاتر له چوار ملیار دینار بۆ چاودێری تاقیکردنەوەکانی خولی یەکەم و دووەمی ساڵی خوێندنی (2020-2021)
ئالان حمە سعید وەزیری پەروەردە له بڵاوكراوه‌یه‌كدا رایگه‌یاند،"ڕەزامەندی درا لەسەر خەرجکردنی بڕی شایستەی دارایی( چوار ملیار و سەد و شەست و حەوت ملیۆن و پێنج سەدو هەشتاو چوار هەزار و دوو سەد دینار/ 4,167,584,200 ) بۆ چاودێری تاقیکردنەوەکانی خولی یەکەم و دووەمی ساڵی خوێندنی (2020-2021)".
وتیشی،"دەبێت بەڕێوەبەرایەتی گشتیی پەروەردەی پارێزگا و ئیدارە سەربەخۆکان بە زووترین کات شایستە داراییەکانیان لە رێگەی سیستەمی (KFMS) وە پێشکەش بکەن."