ئۆکراینا: 'لە ٢٤ کاتژمێری رابردوودا رووسیا ٣٨ ئۆتۆمبێلی سەربازی و زیاتر لە ١٠٠ سەربازی لەدەستداوە'
2022-03-20 00:00:00 - سەرچاوە: سپێده
دیجیتال میدیای سپێده
وەزارەتی بەرگریی ئۆکراینا، بڵاویکردەوە کە لە پێکدادانەکانی ئەمڕۆدا، سوپای رووسیا نزیکەی ٤٠ ئۆتۆمبێلی سەربازی کە تانک، زرێپۆش و بارهەڵگریان لە نێودایە لەگەڵ زیاتر لە ١٠٠ سەربازی لەدەستداوە.
لە راگەیاندراوێکدا کە لەلایەن وەزارەتی بەرگریی ئۆکرایناوە بڵاوکراوەتەوە، باس لەوەکراوە کە، لەمیانی ٢٤ کاتژمێری رابردوودا، ١٠ هێرشی سوپای رووسیا تێکشکێندراوە.
هەروەها لە راگەیاندراوەکەدا ئاماژە بەوەکراوە کە، هەر لەو ماوەیەدا ١٣ زرێپۆشی گواستنەوەی سەرباز، هەشت تانک، حەوت ئۆتۆمبێلی جەنگی زرێپۆشی پیادە و ١٠ بارهەڵگر تێکشکێندراون. لە پێکدادانەکانی ئەمڕۆشدا زیاتر لە ١٠٠ سەربازی رووسی لەچالاکی خراون.
