ئۆكراینا، ئاماری زیانه‌كانی ڕوسیای له شه‌ڕی دژی وڵاته‌كه‌ی بڵاوكرده‌وه
دیجیتاڵ میدیای سپێده
سه‌رۆكایه‌تی ئه‌ركانی سوپای ئۆكراینا رایگه‌یاند سوپای رووسیا كه هێرشی كردووه‌ته سه‌ر ئۆكراینا، ١٦ هه‌زار و ٤٠٠ سه‌رباز، ١١٧ فڕۆكه، ١٢٧ هه‌لیكۆپته‌ر و ٥٧٥ تانكی له‌ده‌ست داوه.
له راگه‌یه‌ندراوێكدا سه‌رۆكایه‌تی ئه‌ركانی سوپای ئۆكراینا زیانه‌كانی سوپای رووسیای له ٢٤ی شوبات تاكوو ٢٦ی ئادار بڵاو كردووه‌ته‌وه.
له راگه‌یه‌ندراوه‌كه‌دا به تیشك خستنه سه‌ر ئه‌وه‌ی كه ١٦ هه‌زار و ٤٠٠ سه‌ربازی رووسیا كوژراون، ئاماژه به‌وه دراوه ١١٧ فڕۆكه، ١٢٧ هه‌لیكۆپته‌ر، ٥٧٥ تانك، هه‌زار و ٦٤٠ زرێپۆش، ٢٩٣ تۆپ، ٩١ سیسته‌می مووشه‌كهاوێژ و ٥١ سیسته‌می به‌رگریی ئاسمانیی رووسیا تێك شكێندراون.
هێزه‌كانی رووسیا هه‌روه‌ها هه‌زار و ١٣١ ئۆتۆمبێل، حه‌وت كه‌شتی و به‌له‌م، ٧٣ ئۆتۆمبێلی گواستنه‌وه‌ی سووته‌مه‌نی و ٥٦ فڕۆكه‌ی بێفڕۆكه‌وانیان له‌ده‌ست داوه.
