رووسیا و ئۆکرانیا سبەی لە ئیستانبوڵ کۆدەبنەوە
2022-03-28 00:00:00 - سەرچاوە: سپێده
دیجیتال میدیای سپێده
کۆبوونەوەی نێوان شاندی دانوستانکاری ھەریەک لە رووسیا وئۆکرانیا سبەینێ لە ئۆفیسی کاری سەرۆکایەتی کۆمار لە دۆڵمەباخچە بەڕێوەدەچێت.
بەپێی ئەو زانیارییانەی دەستکەوتوون، پلان وایە کۆبوونەوەکە بەشێوەیەکی داخراو بەڕێوەبچێت و کاتژمێر ١٠:٣٠ دەستپێبکات.
دوای دەستپێکردنی کۆبوونەوەکە، میدیاکاران دەتوانن رووماڵی دانوستانەکان لەو ناوچەیەی کە لەبەردەم ئۆفیسی کاری سەرۆکایەتی کۆمار لە دۆڵمەباخچە بۆیان دیاریی دەکرێت، بکەن.
لەمیانی ئەو پەیوەندییە تەلەفۆنییەی کە دوێنێ یەکشەممە لە نێوان ھەریەک لە سەرکۆماری تورکیا، رەجەب تەیب ئەردۆغان و سەرۆکی رووسیا، ڤلادیمیر پوتین بەڕێوەچوو، ھەردوولا ھاوڕابوون کە کۆبوونەوەی ئایندەی شاندی دانوستانکاری رووسیا و ئۆکرانیا لە ئیستانبوڵ بەڕێوەبچێت.
