له بری چاره‌سه‌ركردنی كێشه‌ی موچه‌ی خانه‌نشینان ئه‌مبۆڵانس داده‌نرێت بۆ ئه‌وه‌ی له‌سه‌ره نه‌مرن
2022-03-30 00:00:00 - سەرچاوە: سپێده
دیجیتال میدیای سپێده
تیمی فریاکەوتنی تەندروستی سلێمانی خرانە حاڵەتی ئامادەباشییەوە لەبەردەم بانکەکانی سلێمانی ئامادەییان دەبێت بۆ هەر حاڵەتێکی نەخوازراو کە رووبدات.
ئەمڕۆ چوارشەممە، سامان نادر بەڕێوەبەری سەنتەری فریاکەوتنی خێرای سلێمانی ١٢٢، وتی "لەسەر فەرمانی بەڕێوبەری گشتی تەندروستی سلێمانی، لە ئەمڕۆوە سەرجەم تیمەکانی فریاکەوتنی خێرای سلێمانی بە ئەمبوڵانسەوە رۆژانە لە کاتژمێر 08:00ـی بەیانییەوە تاوەکو کاتژمێر 02:00ـی پاشنیوەڕۆ لەبەردەم بانکەکانی سلێمانی ئامادەییان دەبێت بۆ هەر حاڵەتێکی نەخوازراو کە رووبدات".
ئەمە لەکاتێکدایە کە لەماوەی کەمتر لە مانگێکدا چوار خانەنشینی بەساڵاچوو لەسەرەی وەرگرتنی مووچە لەبەردەم بانکەکان گیانیان لەدەستداوە و دەیانی دیکەشیان دۆخی تەندروستیان تێکچووە.
