هەواڵی کوردستان ئێستا

دیجیتاڵ میدیای سپێده‌

وەزارەتی بەرگری ئۆکرانیا رایگەیاند هێزە سەربازییەکانی رووسیا 15 فڕۆکەخانەیان لە ئۆکرانیا خاپوور کردووە.

وەزارەتی بەرگری ئۆکرانیا لە راگەیەندراوێکدا ئاشکرای کردووە کە سوپای رووسیا 1370 مووشەکی ئاراستەی ئۆکرانیا کردووە.

لە راگەیەندراوەکە ئەوە خراواتەڕوو کە لە پەلامارەکانی رووسیادا 153 منداڵ گیانیان لەدەستداوە و بەهۆی هەڕەشەی جەنگەوە زیاتر لە 10 ملیۆن ئۆکراینی ماڵوحاڵیان جێهێشتووە.

بەپێی راگەیەندراوێکی وەزارەتی پیشەسازیی خەڵووز و وزەی ئۆکرانیا، کارەبای 1339 یەکەی نیشتەجێبوون لە وڵاتەکە بڕاوە.

لە راگەیەندراوەکە ئاماژە بەوە کراوە تیمەکان بەردەوامن لە هەوڵەکانیان بۆ چارەسەرکردنی ئەم گرفتە و توانیویانە لە ناوچەکانی کیێڤ، سومی، دۆنێستک، میکۆلاییڤ، ژیتۆمیر، زاپۆریژییا و خێرسۆن دووبارە کارەبا بەکاربخەنەوە.