ب وێنه.. ل دهۆكێ نوونهرێن پێكهاتێن ئاینی ئالایێ كوردستانێ بلند دكهن
بهرپرسێ گشتیێ دهزگههێ پاراستنا ئالایێ كوردستانێ دیار كر: "ئهڤرۆ 17/12/2019 ل پاركا بارزانى نهمر پارێزگهها دهۆكێ ژ ئالیێ نوونهرێن ئاینى ڤه ئالایێ كوردستانێ هاته بلندكرن".
پهلهوان شێخ مهمى، بهرپرسێ گشتیێ دهزگههێ پاراستنا ئالایێ كوردستانێ بۆ (باسنیوز) دیار كر: "چالاكیهكا مهزن دا ئهڤرۆكه بهرههڤبوونا جههوهر عهلى عهزیز نوونهرێ پارێزگارێ دهۆكێ و قایمقامێ قهزا دهۆكێ و جههوهر عهلى بهگ نوونهرێ میرێ ئێزدیان بۆ كارۆبارێن پهیوهندیان و مهلا جیهاد نوونهرێ ئۆلا ئیسلامى و قهشه عیماد نوونهرێ مهسیحیان بهرههڤبوونا هژمارهكا زۆر دام و دهزگههێن حكومى و حزبى وجهماوهرى دهۆكێ ئالایێ كوردستانێ هاته بلندكرن. ئهڤ سالە هژمارهكا زۆر ئالایێن كوردستانێ ل جهێن جۆدا هاتینه بهلاڤكرن".
خۆیا ژى كر: "ههر ئهڤرۆكه ل قهزا زاخۆ ژى ل تونێلا گهلیێ زاخۆ دهزگههێ پاراستنا ئالایێ كوردستانێ رابوو ب خهملاندنا دهرگههێ زاخۆ درێژاهیا 27 مهتران ئالایێ كوردستانێ هاته دانان وچهندین چالاكیێن دی ب ههلكهڤتا رۆژا ئالایێ كوردستانێ هاتینه ئهنجامدان".