سعودیە بڕیاری دا ئەمساڵ ژمارەی حاجیان بۆ یه‌ك ملیۆن كه‌س زیاد بکات
دیجیتاڵ میدیای سپێده
وەزارەتی حەج و عومرەی سعودیە ڕایگەیاند کە ئەمساڵ ژمارەی حاجیان لە ناوەوە و دەرەوەی سعوودیە بۆ یەک ملیۆن کەس زیاد ده‌كه‌ین
وەزارەتی حەج و عومرەی سعودیە ئەمرۆ شه‌ممه 9/4/2022 رایگەیاند "لە لەبەر سەلامەتی حاجیان و پاراستنی گیانیان ئەمساڵ ٢٠٢٢ پرۆسەی حەج دەکەنەوە."
سەبارەت بە پلانەکەش وەزارەتی حەجی سعوودیە بڵاوی کردووتەوە "کە ئەمساڵ پێشوازی لە یەک ملیۆن حاجی دەکەن لە دەرەوە و ناوەوەی سعوودیە بە پێی ئەو رێژەیەی بۆ وڵاتان دیاریکراوە."
هەر لە راگەیندراوەکەدا هاتووە کە حەجی ئەمساڵ بە دوو مەرج دەبێت کە پێویستە لە کەسانەدا هەبێت کە سەردانی سعوودیە دەکەن کە بریتین لە :
یەکەم : تەمەنی لە ٦٥ ساڵ کەمتر بێت.
دووەم : پشکنینی کۆرۆنا بکەن بەر لە ٧٢ کاتژمێر لە هاتنیان بۆ ناو سعوودیە.
هەروەها لە ڕاگەیندراوەکەی وەزارەتی حەجدا داوا لە حاجیان کراوە کە خۆیان بپارێزن لە کاتی جێبەجێکردنی ئەرکەکانی حەجدا.
