كەشناسی هه‌رێم: ئه‌مڕۆ خۆڵبارین كۆتایی دێت و پلەكانی گەرما بەرزدەبنەوە
به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم ڕایده‌گه‌یه‌نێت، ئه‌مڕۆ خۆڵبارین كۆتایی دێت و كه‌شناسی عێراقیش ده‌ڵێت، پله‌كانی گه‌رما به‌رزده‌بنه‌وه.
به‌گوێره‌ی ڕاگه‌یه‌ندراوێكی به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێم، به‌پێی پێشبینییه‌كان ئه‌مڕۆ ئاسمانی هه‌رێم له نێوان نیمچه هه‌ور و هه‌وری ته‌واو ده‌بێت، له دواساته‌كانی ئێواره‌شدا كاریگه‌ری ئه‌و شه‌پۆلی خۆڵبارینه‌ی رووی له هه‌رێم كردووه كۆتایی دێت.
له ڕاگه‌یه‌ندراوه‌كه‌دا هاتووه، به‌پێی پێشبینییه‌كان ئه‌گه‌ری زۆر هه‌یه له هه‌ندێ ناوچه نمه‌باران ببارێت و له هه‌ندێ شوێنیش ئه‌گه‌ری هه‌وره بروسكه ده‌بێت.
هه‌روه‌ها به‌گوێره‌ی ڕاگه‌یه‌ندراوێكی ده‌سته‌ی كه‌شناسی عێراق ، ئه‌مڕۆ و سبه‌ی ئاسمانی هه‌رێم ساماڵ و په‌ڵه‌هه‌ورده‌بێت و پله‌كانی گه‌رماش كه‌مێك به‌رزده‌بنه‌وه.
هه‌ر له راگه‌یه‌نراوه‌كه‌ی كه‌شناسی عێراقدا ئاماژه‌به‌وه‌شكراوه، رۆژی سێشه‌ممه، ئاسمانی هه‌رێم له‌نێوان ساماڵ و په‌ڵه‌هه‌ور ده‌بێت و پله‌كانی گه‌رماش تاڕاده‌یه‌ك نزمده‌بنه‌وه.
