هەواڵی کوردستان ئێستا

دیجیتال میدیای سپێده‌

ئەنجامی بەرایی خولی یەكەمی هەڵبژاردنی سەرۆكایەتی فڕەنسا ڕاگەیەنرا و بەپێی ئەنجامەكانیش ئیمانوێل ماكرۆن 28.8% بەدەستهێناوە.

ئەمڕۆ دەنگدەرانی فەڕەنسا ڕوویان لە بنكەكانی دەنگدان كرد بۆ بەشداریكردن لە خولی یەكەمی هەڵبژاردنەكانی سەرۆكایەتی وڵاتەكەیان، بەگوێرەی ئەنجامەكانیش لە خولی یەكەمی هەڵبژاردنی سەرۆكایەتی فەڕەنسادا ئیمانوێل ماكرۆن 28.8%، مارین لۆپێن 24.2% و ژۆن مێلونشۆن 20.10%ی دەنگەكانیان بەدەستهێناوە.

بەپێی زانیارییەكان، 12 كاندید لە چەپ، ڕاست و میانڕەو ڕكابەری یەكتریان كرد بۆ پۆستێك كە تەمەنی 5 ساڵە، بۆ هەڵبژاردنی ئەمساڵ لە كۆی 67 ملیۆن دانیشتوەی فەڕەنسا، 48 ملیۆن و 700 هەزار سەروی تەمەن 18 ساڵ مافی دەنگدانیان هەیە.

ڕۆژی 14ی ئەم مانگە ئەنجامی هەڵبژاردنەكە بە فەڕمی بڵاودەكرێتەوە و ئەگەری هیچ كام لە كاندیدەكان 50٪ـی دەنگەكان بەدەستنەهێنن، لە 15ی ئەم مانگەوە بانگەشە بۆ گەڕی دووەم دەستپێدەكات كە 24ـی مانگ ئەنجام دەدرێت.