هەواڵی کوردستان ئێستا

خەڵک- سەرلەبەیانی ئەمڕۆ و لە ماوەی چەند کاتژمێرێکی کەمدا دوو رووداوی ئاگرکەوتنەوە لە کەمپەکانی ئاوارەکانی پارێزگای دهۆک دروستدەبن. بە گوێرەی ئاژانسی (دیجلە)ی عێراقی، نزیکی کاتژمێر نۆی سەرلەبەیانیی ئەمڕۆ هەینی 15/4/2022 ئاگر بووەتە کەمپی باچێت کنداڵی دهۆک کە ئاوارەکانی قەزای شانگال لەخۆدەگرێت. رووداوەکە هیچ زیانێکی گیانی بە دوای خۆیدا نەهێناوە بەو پێیەی تیمەکانی بەرگریی شارستانی سەر بە ئیدارەی زاخۆ دەستبەجێ تووانیویانە کۆنترۆڵی ئاگرەکە بکەن و بیکوژێننەوە. بە پێی ئاژانسەکە، رووداوێکی دیکەی ئاگرکەوتنەوە بەربووەتە کەمپی چەمشکۆی زاخۆ کە برینداربوونی دوو کەسی لێکەوتۆتەوە.

The post دهۆک.. ئاگر بەردەبێتە کەمپێکی ئاوارەکان appeared first on تۆڕی میدیایی خەڵک.