هەواڵی کوردستان ئێستا

له‌ كه‌ناراوه‌كانی قەزای كوشئاداسی سەربە پارێزگای ئایدن باشووری خۆرئاوای توركیا، ٦٧ كۆچبه‌ر نایاسایی رزگاركران، کە لەلایەن ھێزەکانی یۆنانەوە رەوانەی سنوورەکانی تورکیا کرابوونەوە.

بەپێی راگەیەندراوێک کە لەلایەن فەرماندەیی ئاسایشی کەناردەریای تورکیاوە بڵاوکراوەتەوە، ئاماژە بەوە کراوە کە لەسەر زانیاریەکی هەواڵگریی لەبارەی بوونی دوو گرووپی کۆچبەران لە کەناراوەکانی کوشئاداسی لە ناو بەلەمی لاستیکیدا، تیمەکانیان رەوانەی ناوچەکە کردووە.

تیمەکان ٦٧ کۆچبەریان رزگارکرد کە لەلایەن ھێزەکانی یۆنانەوە رەوانەی سنوورەکانی تورکیا کرابوونەوە.

دوای كاره‌كانی ئاسایش، كۆچبه‌ره‌كان ره‌وانه‌ی به‌ڕێوه‌به‌رایه‌تی فه‌رمانگه‌ی كۆچی پارێزگاكه‌ كران.