ئۆكرانیا: 20 هه‌زار و 300 سه‌ربازی رووسیا کوژراون
سه‌رۆكایه‌تی ئه‌ركانی سوپای ئۆكرانیا رایگه‌یاند، سوپای رووسیا كه هێرشی كردووه‌ته سه‌ر ئۆكراینا، ٢٠ هه‌زار و ٣٠٠ سه‌ربازی کوژراوە.
سه‌رۆكایه‌تی ئه‌ركانی سوپای ئۆكرانیا له راگه‌یه‌ندراوێكدا، زیانه‌كانی سوپای رووسیای له ٢٤ی شوبات تاكوو ١٧ی نیسان بڵاو كردووه‌ته‌وه.
له راگه‌یه‌ندراوه‌كه‌دا به تیشك خستنه سه‌ر ئه‌وه‌ی كه ٢٠ هه‌زار و ٣٠٠ سه‌ربازی رووسیا كوژراون، ئاماژه به‌وه دراوه ١٦٥ فڕۆكه، ١٤٦ هه‌لێكۆپته‌ر، ٧٧٣ تانك، دوو هه‌زار و دوو زرێپۆش، ٣٧٦ تۆپ، ١٢٧ سیسته‌می مووشه‌كهاوێژ و ٦٦ سیسته‌می به‌رگریی ئاسمانیی رووسیا تێك شكێندراون.
راشیگەیاندووە کە هێزه‌كانی رووسیا هه‌روه‌ها هه‌زار و ٤٧١ ئۆتۆمبێل، هه‌شت كه‌شتی و به‌له‌م، ٧٦ ئۆتۆمبێلی گواستنه‌وه‌ی سووته‌مه‌نی و ١٤٨ فڕۆكه‌ی بێفڕۆكه‌وانیان له‌ده‌ستداوه.
وه‌زاره‌تی به‌رگریی رووسیا له ٢٥ی ئادار رایگه‌یاند كه هه‌زار و ٣٥١ سه‌ربازی رووسی له ئۆكراینا كوژراون.
