هەواڵی کوردستان ئێستا

دیجیتال میدیای سپێده‌

ئەنجوومەنی ئاسایشی نێودەوڵەتی سبەی بۆ تاوتوێکردنی گرژی و رووداوە توندوتیژییەکانی نێوان ئیسرائیل و فەڵەستین کە رووی لە ھەڵکشان کردووە کۆدەبێتەوە.

بەپێی ئەو زانیارییانەی کە لە سەرچاوە دیپلۆماسییەکانەوە بەدەستھاتوون نوێنەرانی وڵاتانی ئەندام لە ئەنجوومەنی ئاسایشی نێودەوڵەتی سبەی لەسەر داوای نەرویج، ئیمارات، فەڕەنسا، ئیرلەندا و چین کۆدەبنەوە.

ئەنجوومەنی ئاسایشی نێودەوڵەتی لە کۆبوونەوەکەی سبەینێدا گرژی و رووداوە توندوتیژییەکانی نێوان ئیسرائیل و فەڵەستین تاوتوێ دەکات.

بەھۆی ئەوەی ئەم ماوەیە ھاوکاتە لەگەڵ رۆژە پیرۆزەکانی ھەرسێ ئاینەکە، توندوتیژییەکانی نێوان ئیسرائیل و فەڵەستین و گرژییەکان زیادیکردووە.