هەواڵی کوردستان ئێستا

دیجیتال میدیای سپێده‌

ئاگر لە کۆگایەکی ناوچەی پیشەسازیی سلێمانی كەوتوه‌ته‌وه‌ و تیمەكانی بەرگریی شارستانیی سلێمانیش لە هەوڵی کۆنتڕۆڵکردنی ئاگرەکەدان.

ئارام عەلی، ئەفسەری بەرگری شارستانی سلێمانی لە کۆنگرەیەکی رۆژنامەنوسیدا رایگەیاند، ئەمشەو روداوێکی ئاگرکەوتنەوە لەناو کۆگایەکی تایبەت بە کەلوپەلی ئۆتۆمبێل لەناوچەی پیشەسازی رویدا و بەهۆیەوە زیانی ماددی لێکەوتەوە.

ئاماژەی بەوەشکرد، لەناو کۆگاکەدا ئۆتۆمبێلێک بونی هەبوە و ئەویش سوتاوە، لەئێستاشدا ئاگرەکە کۆنتڕۆڵکراوە و نازانرێت هۆکارەکەی چی بوە.

ئەفسەرەکەی بەرگری شارستانی سلێمانی ئەوەشی خستەڕو، دوای کۆنتڕۆڵكردنی ئاگرەکە، تیمەکانیان دەستیانکردوە بە لێکۆڵینەوە لەبارەی هۆکاری روداوەکە و قەبارەی زیانەکان.