نه‌وتی خاوی برێنت به 103 دۆلار مامه‌ڵه‌ی پێوه‌ده‌كرێت
2022-04-25 00:00:00 - سەرچاوە: سپێده
ئه‌مڕۆ نرخی نه‌وت نزمبوونه‌وه‌ی به‌خۆیه‌وه بینی وبه‌رمیلێك نه‌وتی برێنت به (103) دۆلار له‌بازاڕه‌كانی جیهاندا مامه‌ڵه‌ی پێوه‌ده‌كرێت وبه‌مه‌ش نرخه‌كه‌ی به‌راورد به‌دوێنی 3% دابه‌زیوه.
ئه‌مڕۆ، به‌رمیلێك نه‌وتی برێنت به (103) دۆلار له بازاڕه‌كانی جیهاندا مامه‌ڵه‌ی پێوه‌ده‌كرێت، هه‌روه‌ها نرخی به‌رمیلێك نه‌وتی خاوی ئه‌مریكی نزمبۆته‌وه بۆ (99) دۆلار.
ئه‌م دابه‌زینه‌ی نرخی نه‌وت له‌كاتێكدایه له‌ماوه‌ی رابردوودا نرخی به‌رمیلێك نه‌وت گه‌یشته زیاتر له 130 دۆلار،ماوه‌یه‌كه نرخی نه‌وت به‌رده‌وام له‌ناجێگیردایه به‌هۆی جه‌نگی نێوان روسیا وئۆكرانیا، به‌و پێیه‌ی ئه‌مریكا وهاوپه‌یمانه‌كانی به‌رده‌وامن له‌سه‌پاندنی سزای نوێ به‌سه‌ر روسیادا.
