تەندروستی عێراق هۆشداری دەدات كەهێشتا وڵات لەبازنەی مەترسیدایە
وه‌زاره‌تى ته‌ندروستى عێراق ئه‌مرۆ هۆشدارى دوه له‌وه‌ى عێراق تووشى شه‌پوڵێكى دیكه‌ى ڤایرۆسى كۆرۆنا ده‌بێته‌وه.
دكتور هه‌یسه‌م عوبه‌یدى، به‌رێوه‌به‌رى ته‌ندروستى له‌وه‌زاره‌تى ته‌ندروستى عێراق بۆ رۆژنامه‌ى سه‌باح رایگه‌یاندوه: عێراق تا ئێستاش له‌نێو بازنه‌ى مه‌ترسی بڵاوبوونه‌وه‌ى ڤایرۆسى كۆرۆنا دایه، وهۆشدارى ده‌دات له‌هاتنى شه‌پوڵى پێنجه‌مى ڤایرۆسه‌كه.
عوبه‌یدى رایگه‌یاندوه: به‌هۆى نه‌بوونى خۆپارێزى وكه‌مبوونه‌وه‌ى وه‌رگرتنى ڤاكسین، پێده‌چێت تووشى شه‌پوڵى پێنجه‌م ببین، كه‌پێده‌چێت مه‌ترسیدارترین شه‌پوڵ بێت.
ئاماژه‌ى به‌وه‌شكردوه: رێژه‌ى تووشبووان له‌زیادبووندایه، ئه‌مه‌ش ئاماژه‌یه‌كه كه‌عێراق چوه‌ته نێو شه‌پوڵێكى دیكه‌ى كۆرۆنا وگۆڕاوێكى نوێى ئه‌و ڤایرۆسه دا، به‌ڵام ژووانى سه‌رهه‌ڵدانى دیار نیه پێده‌چێت له‌ناكاو تۆمار بكرێت.
عوبه‌یدى گوتیشى: گۆڕاوه‌كانى ڤایرۆسى كۆرۆنا به‌به‌رده‌وامى سه‌ر هه‌ڵده‌ده‌ن، به‌ڵام به‌شێكیان به‌هۆى لاوازیان به‌ئاسانى ده‌رناكه‌ون، وبه‌شێكیشیان به‌هێزن وبه‌دیار ده‌كه‌ون و زیان ده‌گه‌یه‌نن.
