له سه‌عاتيگ له ئيران 50 كه‌س تويش "كۆرۆنا" ئه‌يه‌ن
2020-03-19 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ كه‌يانوس جه‌هانپور وه‌ڕيه‌وبه‌ر ناوه‌ند په‌يوه‌نديه‌يل گشتى و ره‌سانن له وه‌زاره‌ت ته‌ندروستى و چاره‌سه‌ر و زانستى پزيشكى ئيرانى وت: وه‌رده‌وام له هه‌ر سه‌عاتيگ 50 كه‌س له وڵاته‌گه تويش ڤايرۆس كۆرۆناى تازه ئه‌يه‌ن.
جه‌هانپور له ماڵپه‌ڕ كۆنه‌ڵايه‌تى تويته‌ر نويساگه: وه‌رده‌وام له هه‌ر سه‌عاتيگ نزيكه‌ى 50 كه‌س تويش ڤايرۆس كۆرۆنا(كۆفيد - 19) ئه‌يه‌ن و وه‌رده‌وام هه‌ر 10 ده‌قه جاريگيش يه‌ك تويشهاتگ وه‌ى ڤايرۆسه گيان له‌ده‌س ئه‌ياد.
جى باسه، عه‌لى ره‌زا ره‌ئيسى قسه‌گه‌ر وه‌ناو وه‌زاره‌ت ته‌ندروسى ئيرانييش وتگه: بايه‌سه له‌بانمان بڕياريگ بيه‌يم ئه‌را هوشياره‌وكردن مه‌ردم له‌باره‌ى گه‌شت و هاتوچوو و سه‌ردانه‌يل وه بوونه‌ى جه‌ژن نه‌وروز.
