له کەرکووک ژمارەیەکی حەشارگەی داعش خاپوورکرا
2022-05-02 00:00:00 - سەرچاوە: سپێده
دیجیتال میدیای سپێده
لە ئاکامی بۆردومانی فڕۆکە جەنگییەکانی عێراق، ژمارەیەک حەشارگەی رێکخراوی چه‌كداری داعش لە باشووری رۆژئاوای پارێزگای کەرکووک خاپوور کران.
بەڕێوەبەرایەتی راگەیاندنی حەشدی شەعبی بڵاوی کردەوە کە ھێزەکانی حەشدی شەعبی و سوپای عێراق ئۆپەراسیۆنێکیان بۆسەر پاشماوەکانی رێکخراوی چه‌كداری داعش لە ناوچەی زاب سەربە قەزای حەویجە باشووری رۆژئاوای پارێزگای کەرکووک ئەنجام داوە.
راشیگەیاندووە لە میانی ئۆپەراسیۆنەکەدا، ژمارەیەک حەشارگەی داعش لە ناوچەکە دۆزراونەتەوە کە دواتر لە ئاکامی بۆردوکانی فڕۆکە جەنگییەکانی عێراقدا، خاپوور کراون.
