له هیندستان بەھۆی گەرمای زۆرەوە 25 کەس گیانیان لەدەستدا
2022-05-04 00:00:00 - سەرچاوە: سپێده
دیجیتاڵ میدیای سپێده
پلەکانی گەرما لە پارێزگای ماھاراشترای ھیندستان، بۆ بەرزترین پلەی ماوەی شەش ساڵی رابردوو بەرزبوونەوە.
بەپێی ھەواڵێکی ئاژانسی ANI، بەھۆی گەرمای لە ئێجگار به‌رزه‌وه، ٢٥ کەس گیانیان لەدەستداوە.
وەزارەتی تەندروستیی ھیندستان بڵاوی کردەوە، لە ساڵی ٢٠٢٢دا تا سەرەتای مانگی ئایار، ٣٨١ کەس بەھۆی بەرزبوونەوەی پلەکانی گەرماوە تەندروستییان تێکچووە.
لە ماوەی چەند ھەفتەی رابردوودا، لە زۆر ناوچەی وڵاتانی ھاوشێوەی ھیندستان و پاکستان، پلەکانی گەرما بەشێوەیەکی مەترسیدار بەرزبوونەتەوە.
رۆژی ٢٨ی نیسان پلەی گەرما لە نیودەلھی پایتەختی ھیندستان بۆ سەروو ٤٠ پلە بەرزببوویەوە. لە پارێزگای ئۆدیشا لە خۆرھەڵاتی وڵاتەکە، خوێندنگەکان بۆ ماوەی ھەفتەیەک داخرابوون و لە زۆر ناوچە پلەکانی گەرما بۆ سەروو ٤٥ پلە بەرزببوونەوە.
