ئاسایشى هه‌ولێر ڕوونكردنه‌وه له‌باره‌ی ده‌ستگیركردنی پاسه‌وانی وه‌زیری پێشووی دارایی ده‌دات
هەولێر-KDP.info- بەڕێوبه‌رایه‌تیی ئاسایشی هه‌ولێر ڕایگه‌یاند، ڕۆژگار ڕزگار محه‌مه‌د، پاسەوانی وەزیری داراییی کابینەی هەشتەمی حکوومەتی هەرێمی کوردستان بووە و لە کاتی ئەرکی فەرمیی خۆیدا لەژێر سەرپەرشتی و ڕێنماییی دەزگای زانیاریدا کاری سیخوڕیی ئەنجام داوە بۆ بەرژەوەندیی لایەنێکی بیانی.
ده‌قی ڕوونكردنه‌وه‌كه:
ڕۆژگار ڕزگار محه‌مه‌د، پاسەوانی وەزیری داراییی کابینەی هەشتەمی حکوومەتی هەرێمی کوردستان بووە. لە کاتی ئەرکی فەرمیی خۆیدا لەژێر سەرپەرشتی و ڕێنماییی دەزگای زانیاریدا کاری سیخوڕیی ئەنجام داوە بۆ بەرژەوەندیی لایەنێکی بیانی لەسەر حکوومەتی هەرێمی کوردستان، بەرژەوەندییەکانی گەلی کوردستان، وەزارەتی دارایی و خودی وەزیری دارایئی ئەوکات. دوای ئەوەی بەڵگەی سەلمێنەر کەوتنە بەردەست، بە فەرمانی دادوەر دەستگیر کرا و دانی بە تەواوی کارە سیخوڕییەکانیدا نا و تەواوی وردەکاری لەبەردەم دادوەری لێکۆڵینەوەدایە.
ڕاگه‌یاندنی به‌ڕێوبه‌رایه‌تیی ئاسایشی هه‌ولێر
19/3/2020
