ئەمریکا دەستبەسەرداگرتنی یەختی ملیاردێرێکی رووسی راگەیاند
2022-05-06 00:00:00 - سەرچاوە: سپێده
دیجیتاڵ میدیای سپێده
وتەبێژی کۆشکی سپی ئەوەی ئاشکرا کرد کە لەسەر داوای واشنتۆن لە وڵاتی فیجی دەستگیراوە بەسەر یەختێکی ملیارداری رووس، سڵێمان کەریمۆڤ.
جێن ساکی وتەبێژی کۆشکی سپی لە میانەی کۆنگرەی رۆژنامەوانی رۆژانەیدا باسی لە رووداوە گرنگەکانی رۆژەڤ کرد و وەڵامی پرسیاری رۆژنامەنووسانی دایەوە.
وتەبێژەکەی کۆشکی سپی، باسی لەوە کرد کە لە وڵاتی فیجی دەست بەسەر یەختێکی سڵێمان کەریمۆڤدا گیراوە کە بەهای یەختەکە 300 ملیۆن دۆلار بووە، جەختی لەوەش کردەوە کە حکوومەتی فیجی لەسەر داوای ئەمریکا دەستی بەسەر یەختەکەدا گرتووە.
جێی ئاماژەیە وڵاتی فیجی کە لە چەند دورگەیەک پێکهاتووە و دەکەوێتە باشووری زەریای ئارامەوە.
