نرخی نەوت جارێكی تر روو له بەرزبوونه‌وه‌ده‌كات
2022-05-07 00:00:00 - سەرچاوە: سپێده
دیجیتال میدیای سپێده
نرخی نەوت لە بەرزبوونەوە به جۆرێك بەرمیلێك نەوتی برێنت بە زیاتر لە 112 دۆلار لە بازاڕەكانی جیهاندا لە مامەڵەدایە.
ئەمڕۆ شەممە 752022، بەرمیلێك نەوتی برێنت بە 112 دۆلار و پێنج سەنت لە بازاڕەكانی جیهاندا مامەڵەی پێوەدەكرێت، هەروەک نرخی بەرمیلێك نەوتی خاو زیاتر بەرزبووەتەوە و بە 109 دۆلار و 10 سەنت مامەڵەی پێوەدەكرێت.
جێگه‌ی باسه كه لە ماوەی دواییدا نرخی نەوت بەردەوام لە ناجێگیریدایە بەهۆی کاریگەرییەکانی جەنگی نێوان رووسیا و ئۆکرانیا، بەو پێیەی ئەمریکا و هاوپەیمانەکانی بەردەوامن لە سەپاندنی سزای نوێ بەسەر روسیادا لە دەرەنجامی بەرپاکردنی جەنگەکەیدا.