پیاوانێک مێژوو لە ئاستیان شەرمەزارەو بەرپرسانێکیش هێندە قێزەوونن مێژوویان شەرمەزارکردووە
بەداخەوە عێراقی ئێمە بە هه رێمی کوردستانیشەوە زۆرێک لە بەرپرسانمان هه ن تەنها خەمیان کۆکردنەوەی پارەو ڤێلاو دۆشینی خاکو ئاوو میللەتی خۆیانە.
بەجۆرێک تادەگەنە پلەو پۆست هه زارەها ماستاوو مەکرو کەیدو فڕوفێڵ بەکاردەهێنن.
دەیەها بەڵێنی درۆدەدەن و لە سادەترین قاوغ دا خۆدەنوێنن.
بەڵام هه ر کەگەیشتنە دەسەڵات و پلەوپۆست و نانە چەورەکە.
یەکەمین کاریان داخستنی مۆبایلە کانیان و
خۆنواندن و خۆبادانیانە لەسایەی هه موو ئەو پارەو پولانەی کەبەشێکی زۆری نازانرێ چۆن و بەچی بەدەستی دێنن
عەرەب ووتەنی( من این لک هذا)
بەڵام کاتێ لاپەڕەکانی ژیانی سەروەری مرۆڤایەتی و هاوەڵانی هەڵدەدەیتەوە،ئەوجا تێدەگەیت کەبۆچی ئەوان ئازیز بوونە و ئەمانیش میللەت لێیان زیزە؟!
بۆچی ئەوان خۆشەویست و ئەمانیش مەنبوس و بێزراون؟!
بۆچی ئەوان گیانیان لە پێناو فیدادەکراو ئەمانیش گیان بۆنەمانیان فیدادەکرێت؟!
زۆر بەسادەیی ئاخر
پێغەمبەری ئازیز کۆڵی بۆ خەڵکی هه ڵدەگرت و پێڵاوی خۆی دەدوریەوەو جلی خۆی پینە دەکرد، نانی لەگەڵ هه ژاران بەشدەکردو لەبرسیەتیدا زۆرجاران بەردی لەسک دەبەست. لەگەڵ خەڵکیدا دادەنیشت و سەلامی لەمنداڵان دەکردو لەگەڵ خەمباریان خەمباردەبوو
تەنانەت سادەیی و میهرەبانی شێوەو ڕوخساری ئازیزمان بەجۆرێک بوو لەهاوەڵانی جیانەدەکرایەوە
تاپێیان نە گوتبا کەس نەیدەزانی پێغەمبەرە چونکە بەڕاستگۆیی و خزمەت بە ئایین و خەڵکی خۆی پێغەمبەرستانی دروستکردبوو.
یان ئەبوبەکری صدیق لە سەردەمی خەلیفایەتیدا بەردەوام دەچێتە ماڵی ئافرەتێکی پیری هه ژارو کوخەکەی بۆ گسک دەدات و پێداویستییەکانی بۆدابین دەکات۰
یان عومەری کوڕی خەتاب بە کۆڵی خۆی فەردەئارد هه ڵدەگرێ و پشتی سوردەبێتەوەو خۆی دەچێتە ماڵە بێوەژن و هه تیوەکان و تێریان دەکات پاشان دەگەڕێتەوە.
یان عوسمانی کوڕی عەففان ئەو عوسمانی خەلیفەی یەکەمی موسڵمانان دەفەرموێت عوسمان نهێنیەکەی زۆرترە لە ئاشکرابوونەکەی
ئەو کەڵە پیاوەی ناونراوە بە ئیمامی قورئان چوونکە لەپێناو مانەوەیی و ڕێگریکردن لە ناکۆکیەکان هەموو قورئان لەسەردەمی ئەوداو بەزمانی قورەیشی نوسراوەتەوە
یانیش ئیمامی عەلی بەچەند کولێرەیەکی کەمەوە دەرگا بەڕووی فەقیرو بێ باوک و گیراواندا دەکاتەوەو خوای گەورەش لە وەصفیدا دەفەرموێت علی حبە مسکینا ویتیما واسیرا
بەپێچەوانەی بەرپرسانی ئێستا
کە ڤێلاو پارک و کێڵگەکانیان جیاوازو ناوازەو ڕوکن و تەلبەندەو دەیان دۆنمیشیان بەناوی کێڵگەو خانووەکانیان حەپەلوشکردووە
موچەی ئەوان زیاترە لە 100 موچەی کارگوزارێک و فەرمانبەرێکی ئاسایی
جلو بەرگی ئەوان تایبەتەو بچوکترین کاڵایان لە 500دۆلار بەرەوسەرەو تیچووی خواردن و خوردنەوەو تیچووی گەشتەکانیشیان هەرمەپرسە
ئوتومبێل و جلو بەرگیان درعەو دیاری گوێزەبانەی منداڵەکانیان کەشتی و ئوتوبێل و مارکێتە
دیاریەک کە کوڕی فەقیر تادەمرێت بەخەیاڵیش ناتوانێ بەدەستی بهێنێت
بەڵێ ئەوە نهێنی بەختەوەری پیاوانێکە کە خەڵکی خۆشیان دەویست و هه رئەوەشە وایکردووە مێژوو لەباسی پێغەمبەرو ئازیزان دا شەرمەزارە و بەرپرسانی ئێستاو ئەوانەش کەبوونەتە بار بەسەر خەڵکی سڤیل و بەش مەینەتەوە هێندە گەندەڵ و مەنبوس و نەخوازراون شەرمەزاری لای خوداو خەڵک و مێژووی خۆیانن.
