هەواڵی کوردستان ئێستا

دیجیتال میدیای سپێده‌

کۆمپانیای ئەمریکی دەرمان، فایزەر بڵاوی کردەوە، گەیشتووەتە رێککەوتن بۆ کڕینی کۆمپانیای سنوورداری بایۆھەیڤن فارمەسوتیکەڵ، کە دەرمانەکانی شەقیقە (ژانی لایەکی سەر) بەرھەم دەھێنێت، بە بڕی 11،6 ملیار دۆلار.

لە راگەیەندراوێکدا کە لە لایەن فایزەرەوە بڵاو کراوەتەوە، ئاماژە بەوە کراوە، بایۆھەیڤن فارمەسوتیکەڵ ھۆڵدینگ پێشنیازی فایزەری بۆ کڕینی ھەر پشکێکی ناو بازاڕ بە 148،50 دۆلار، پەسەند کردووە.

ئەو پێشنیازەی فایزەر، ھاوتا دەبێت لەگەڵ زیاتر لە سەدا 78،6ی نرخی داخستنی دوێنێی پشکەکانی بایۆھەیڤن فارمەسوتیکەڵ ھۆڵدینگ، کە ناوەندەکەی لە شاری نیو ھەیڤنە لە ئەمریکا. پێشتر فایزەر خاوەنی لەسەدا 2،6ی پشکەکانی بایۆھەیڤن فارمەسوتیکەڵ بوو.

چاوەڕوان دەکرێت پرۆسەی کڕینەکە دوای وەرگرتنی مۆڵەتی پێویست لە سەرەتاکانی ساڵی داھاتوودا تەواو ببێت.