چاوەڕوان دەکرێت قازانجەکانی کۆمپانیای تۆیۆتا لە ساڵی ٢٠٢٢ کەم ببێتەوە
دیجیتاڵ میدیای سپێده
قازانجی کۆمپانیای تۆیۆتا لە ٢٠٢١ زیادی کرد،چاوەڕوان دەکرێت قازانجەکانی کۆمپانیاکە لە ساڵی ٢٠٢٢ کەم ببێتەوە و ئاستی فرۆشتن زیاد بکات.
كۆمپانیای ژاپۆنی به‌رهه‌مهێنه‌ری ئۆتۆمبێل، تۆیۆتا خەرجییەکانی بەراورد بە ساڵی ٢٠٢١ لەسەدا ٣٦،٣ زیاد کرد و گەیاندی بە سێ تریلیۆن یەن (٢٣ ملیار دۆلار).
کۆمپانیا ژاپۆنییەکە ئاماری قازانج و خەرجییەکانی ساڵی رابردووی تا مانگی ئادار و پێشبینییەکانی بۆ ٢٠٢٢ ئاشکرا کرد.
بەپێی ئەمە، خەرجی کۆمپانیاکە بەراورد بە ساڵی ٢٠٢١ لەسەدا ٣٦،٣ زیادی کردووە و گەیشتووەتە سێ تریلیۆن یەن (٢٣ ملیار دۆلار).
هەروەها داهاتی فرۆشتن لەسەدا ١٥،٣ زیادی کردووە و گەیشتووەتە ٣١ تریلیۆن و ٣٠٠ ملیار یەن (٢٤٠ ملیار دۆلار) و قازانجی پوختی کۆمپانیاکە لەسەدا ٢٦،٩ زیادی کردووە و گەیشتووەتە دوو تریلیۆن و ٨٦٠ ملیار یەن (٢١ ملیار و ٨٠٠ ملیۆن دۆلار).
لەدەستدانی بەهای یەن بەرامبەر بە دۆلار و بەرزبوونەوەی ئاستی فرۆشتن لە بازاڕەکانی ئاسیا و ئەمریکای باکوور، کاریگەری کردە سەر زیادبوونی قازانجی کۆمپانیاکە.
بەرپرسی دارایی کۆمپانیای تۆیۆتا، کۆن کینتا قەیرانی دارایی ساڵی ٢٠٠٨ی وەبیرهێنایەوە و لەو بارەیەوە گوتی: "بەهۆی سەرکەوتنمان بەسەر قەیرانەکان و بەرەوپێشبردنی کۆمپانیاکەمان توانیمان بە ئامانجەکانمان بگەین".
کۆمپانیا ژاپۆنییەکە پێشبینی دەکات تا ئاداری ٢٠٢٣ قازانج و خەرجییەکان کەم ببێتەوە.
بەپێی ئەمە، قازانجی پوختی کۆمپانیاکە لەسەدا ٢٠،٧ دادەبەزێت و دەگاتە دوو تریلیۆن و ٢٢٦ ملیار یەن (١٧ ملیار و ٤٠٠ ملیۆن دۆلار) و خەرجییەکان لەسەدا ١٩،٩ کەم دەکات و دەبێتە دوو تریلیۆن و ٤٠٠ ملیار یەن (١٨ ملیار و ٤٠٠ ملیۆن دۆلار).
لە هەمان کاتدا پێشبینی دەکرێت ئاستی فرۆشتنەکانی کۆمپانیاکە لەسەدا ٥،٢ زیاد بکات و بگاتە ٣٣ تریلیۆن یەن (٤٠ ملیار دۆلار).
