هەواڵی کوردستان ئێستا

دیجیتال میدیای سپێده‌

لە لوبنان دەنگدانی گشتیی دەستی پێ کرد کە تیایدا سێ ملیۆن و ٩١٧ کەس مافی دەنگدانیان هەیە.

دەرگای ناوەندەکانی دەنگدان لە کاتژمێر ٠٧:٠٠ەوە کراونەتەوە کە لە سەرانسەری وڵاتەکە لە ١٥ ناوچەی هەڵبژاردن ئەنجام دەدرێت.

بەپێی داتاکانی وەزارەتی ناوخۆی لوبنان لەم هەڵبژاردنەدا، ٧١٨ کاندید کێبڕکێ دەکەن بۆ بەدەستهێنانی ١٢٨ کورسی.

دوێنێ سوپای لوبنان لە راگەیەندراوێکدا ئاماژەی بەوەدا کە لە زۆر ناوچەی وڵاتەکە بەتایبەتی بەیروتی پایتەخت، رێوشوێنی ئەمنیی توندیان گرتووەتەبەر.

لوبنان دوایین جار لە شەشی ئایاری ٢٠١٨دا، هەڵبژاردنی ئەنجام دا کە رێژەی بەشداریکردن تیایدا سەدا ٤٩ بوو.