وێنه.. ئه‌و ته‌ياره حكومه‌ت نارده‌ى ئه‌را هاوردنه‌وه‌ى عراقيه‌يليگ له هند ره‌سيه‌وه عراق
شه‌فه‌ق نيوز/ ده‌سه‌ى ده‌روازه‌يل مه‌رزێ، ئاشكراى ره‌سينه‌وه‌ى ئه‌و ته‌ياره‌ى عراقيه كرد ك له‌لايه‌ن هێڵه‌يل ئاسمانى عراقييه‌و ره‌وانه‌ى ده‌لهى پايته‌خت هند كريا ئه‌را هاوردنه‌وه‌ى ئه‌و هاووڵاتيه‌يل عراقيه ك له‌و وڵاته مه‌ندوينه‌و.
ده‌سه‌گه له به‌ياننامه‌يگ ئه‌را شه‌فه‌ق نيوز وت: ويسته‌گه‌ى يه‌كه‌م ته‌ياره‌گه له ده‌روازه‌ى ته‌ياره‌خانه‌ى ناوده‌وڵه‌تى به‌سره بويه‌و (43) سه‌رنشين عراقى له‌تى بويه.
ده‌سه‌گه يه‌يش ده‌رخست ئه‌و عراقيه‌يله له‌وه‌خت ره‌سينيان وشكانن خواست پزيشكى له‌لايه‌ن ئه‌و مه‌فره‌زه‌يله ئه‌رايان ئه‌نجام درياگه ك له‌ناو ته‌ياره‌خانه‌گه وجوود داشتنه وه سه‌رپه‌رشى ئه‌فسه‌ره‌يل ده‌روازه‌گه‌و پاسه‌پۆرت و گومرگ مه‌ده‌نى و ئه‌نجامه‌يل سه‌ره‌تايى وشكاننه‌گه‌يش ئاشكراى كردگه ئه‌و هاووڵاتيه‌يل عراقيه سه‌لامه‌تن له تويشهاتن ڤايرۆس كۆرۆنا.