یەكگرتوو پێشوازی لە شاندێكی رەوتی حیكمەی نیشتیمانی كرد
دیجیتاڵ میدیای سپێده
ئه‌مڕۆ له باره‌گاى ئه‌نجومه‌نى جێبه‌جێكردن له هه‌ولێر، یه‌كگرتووى ئیسلامیى كوردستان پێشوازى له شاندێكى ره‌وتى حیكمه‌ى نیشتیمانى كرد.
شاندى یه‌كگرتوو پێكهاتبوو له خه‌لیل ئیبراهیم كارگێڕى ئه‌نجومه‌نى جێبه‌جێكردن و د.محمد هاودیانى لێپرسراوى ده‌زگاى په‌یوه‌ندییه‌كانى و فه‌رهاد یاسین كارگێڕى ده‌زگاى په‌یوه‌ندییه‌كان، شانده‌كه‌ى ره‌وتى حیكمه‌ى نیشتیمانیش پێكهاتبوو له د.محمد حسام الحسینى ئه‌ندامى مه‌كته‌بى سیاسى و لێپرسراوى په‌یوه‌ندییه نیشتیمانییه‌كانى ره‌وته‌كه و ئومێد نانه‌كه‌لى به‌ڕێوه‌به‌رى نووسینگه‌ى هه‌ولێرى ده‌زگاى شه‌هیدى میحراب.
له دیداری نێوانیاندا باس له رووداوه‌كانى سه‌ر گۆڕه‌پانى سیاسى كوردستان و عێراق كرا، به تایبه‌تى هه‌ردوولا هاوڕابوون كه ده‌بێت هه‌رچى زووه حكومه‌تى عێراق پێكبهێنرێت و داواكارى خواستى هاوڵاتیان له پێشینه‌ى كاره‌كانیان بێت و پڕۆژه‌ى چاكسازى گشتى و ریشه‌یى ئه‌نجامبدرێت.
هه‌ردوولاش جه‌ختیانكرده‌وه له‌سه‌ر په‌ره‌پێدان به په‌یوه‌ندییه دوو قۆڵییه‌كانى نێوانیان.