زانکۆی سەلاحەدین-هەولێر پرسی یەکپۆشی ده‌خاته بەردەم قوتابییان
2022-08-03 00:00:00 - سەرچاوە: سپێده
دیجیتال میدیای سپێده
زانکۆی سەلاحەدین-هەولێر پرسی یەکپۆشی خستە بەردەم قوتابییان و ڕاپرسی بۆ ئەم مەبەستە ئەنجام دەدات
سامان عەبدولا بەرپرسی ڕاگەیاندنی زانکۆی سەلاحەدین-هەولێر رایده‌گه‌یه‌نێت،" پرسی یه‌كپۆشی قوتابییان، لە زۆر ڕووەوە سوودبەخشە و لە بنەڕەتیشدا مانای کەمکردنەوەی جیاوازی کۆمەڵایەتی و چینایەتییه".
وتیشی،" یه‌كپۆشی واده‌كات جیاوازییەکان تەنها لە ئاستی خوێندن و نووسینی توێژینەوەی زانستی بێت، نه‌ك شتی لاوه‌كی و بێ سوود، له‌گه‌ڵ ئه‌وه‌شدا پرسی یه‌كپۆشی هۆكاره کەمکردنەوەی ئەرکی سەرشانی خانەوادەکانتان و سیماێکی جوان و دڵگیرتر دەبەخشێ بە زانکۆ".
ده‌شلێت،" هیوادارین وه‌لامی ئه‌م ڕاپرسییه به‌وپه‌ڕی هه‌ستكردن بە به‌رپرسیاریه‌تی وەربگرن ، چونکە بیروڕای ئێوه بەگرینگ دەبینین".