سەدر: هەڵوەشاندنەوەی پەرلەمان بووەتە داواکارییەکی جەماوەری
2022-08-06 00:00:00 - سەرچاوە: سپێده
دیجیتال میدیای سپێده
موقتەدا سەدر، ڕێبەری رەوتی سەدر پەیامێکی نوێی بڵاوکردەوە و ڕایگەیاند، هەڵوەشاندنەوەی پەرلەمان بووەتە داواکارییەکی جەماوەری، دەشڵێت، کاردانەوەی ئەرێنی هەیە سەبارەت بە هەڵوەشاندنەوەی پەرلەمان.
موقته‌دا سه‌در، رێبه‌ری ره‌وتی سه‌در، له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر نووسیوویه‌تی: پاڵپشت بن بۆ رزگاركردنی عێراق له گه‌نده‌ڵی، بۆ ئه‌وه‌ی رێگاكه راست بكه‌ینه‌وه.
سه‌در وتیشی : "تا گه‌یشتن به داواكارییه‌كان، شۆڕشگێران له شۆڕش به‌رده‌وامن".
ده‌شلێت، و کاردانەوەی ئەرێنی هەیە سەبارەت بە هەڵوەشاندنەوەی پەرلەمان له‌سه‌ر ئاستی جه‌ماوه‌ری، ئه‌كادیمی، پیاوانی ئاینی، كۆمه‌ڵگه‌ی مه‌ده‌نی و (سیاسییه‌كانی كورد، شیعه و سووننه).
