هەواڵی کوردستان ئێستا

دیجیتال میدیای سپێده‌

نرخی نه‌وت له‌بازاره‌كانى جیهاندا دابه‌زی وبه‌رمیلێك نه‌وتی برێنت به‌نزیكه‌ی94 دۆلار مامه‌ڵه‌ی پێوه‌ده‌كرێت.

ئه‌مڕۆ به‌گوێره‌ی داتاكانی بازاڕی جیهانی نه‌وت ودوای كردنه‌وه‌ی بازاڕه‌كان، نرخی نه‌وت دابه‌زینێكی به‌رچاوی تۆماركرد وبه‌راورد به‌كاتی داخستنی بازاڕه‌كان له‌هه‌فته‌ی رابردوو چه‌ند دۆلارێك دابه‌زیوه‌و، نرخی یه‌ك به‌رمیل نه‌وتی خاوی برێنت به‌ 94 دۆلار و 92 سه‌نت مامه‌ڵه‌ی پێوه‌ده‌كرێت. هاوكات به‌رمیلێك نه‌وتی خاوی ته‌كساس به‌رامبه‌ر به‌ 89 دۆلار ویه‌ك سه‌نت مامه‌ڵه‌ی پێوه‌ده‌كرێت وئه‌ویش به‌هه‌مانشێوه‌ نرخه‌كه‌ی دابه‌زیوه‌.

له‌كاتێكدا، له‌ماوه‌ی ڕابردوودا نرخی به‌رمیلێك نه‌وت گه‌یشته‌ زیاتر له‌ 130 دۆلار ودواتریش دابه‌زییه‌وه‌ خواره‌وه‌ به‌هۆی زیادبوونی ئه‌گه‌ره‌كانی رێككه‌وتنی ئاشتی له‌نێوان روسیا وئۆكرانیا.