هەواڵی کوردستان ئێستا

لە میانی زنجیرەیەک ئۆپەراسیۆنی ھێزە ئەمنییەکانی عێراقدا لە ژمارەیەک پارێزگای ئەو وڵاتە، دەست بەسەر ٧٥٠ ھەزار لیتر نەوتی بەقاچاغبراودا گیرا.

شانەی راگەیاندنی ئەمنی سەربە نووسینگەی سەرۆکوەزیرانی عێراق، دەست بەسەرداگرتنی ٧٥٠ ھەزار لیتر نەوتی بەقاچاغبراودا لە ژمارەیەک پارێزگای ئەو وڵاتە راگەیاند.

شانەی راگەیاندنی ئەمنی بڵاوی کردەوە کە ھێزە ئەمنییەکانی سەربە وەزارەتی ناوخۆ لە میانی زنجیرەیەک ئۆپەراسیۆندا لە پارێزگاکانی نەینەوا، کەرکووک، دیالە، بەغدا و بەسرە دەستیان بەسەر ھەشت حەشارگەی بەقاچاغبردنی نەوت و ٣٠ تانکەردا گرتووە کە بە نەوتی قاچاغبراو بارکرابوون.

ھەروەھا راشیگەیاندووە کە لە میانی ئۆپەراسیۆنەکەدا، دەست بەسەر ٧٥٠ ھەزار لیتر نەوتی بەقاچاغبراودا گیراوە و شۆفێری تانکەرەکان دەستگیرکراون.

باسی لەوەش کردووە، دەستگیرکراوەکان رادەستی لایەنە پەیوەندیدارەکان کراون.