هەواڵی کوردستان ئێستا

دیجیتال میدیای سپێده‌

بریاره‌ ئه‌مرۆ ئه‌مینداری گشتی یه‌كگرتووى ئیسلامى كوردستان به‌شدارى له‌كۆبوونه‌وه‌ى لایه‌نه‌كانى هه‌رێم له‌گه‌ڵ نوێنه‌رایه‌تى نه‌ته‌وه‌یه‌كگرتووه‌كان له‌عێراق به‌شدار ببێت.

له‌تویتێكدا، مامۆستا سه‌لاحه‌دین محه‌مه‌د به‌هائه‌دین ئه‌مینداری گشتی یه‌كگرتوو سه‌باره‌ت به‌كۆبونه‌وه‌ی له‌گه‌ڵ سه‌ركرده‌ی لایه‌نه‌ سیاسیه‌كان ونوێنه‌ری un رایگه‌یاندوه‌: به‌شدارده‌بم له‌كۆبونه‌وه‌ی سه‌ركرده‌ی لایه‌نه‌ سیاسیه‌كان ونوێنه‌ری un، كه‌بریاره‌ له‌دیوانی سه‌رۆكایه‌تی هه‌رێم به‌رێوه‌بچێت، بۆ تاوتوێی پرسی هه‌ڵبژاردن وه‌ك ئه‌ركێكی نیشتمانی،

ئه‌میندارى گشتى یه‌كگرتوو راشیگه‌یاندوه‌: هه‌ڵبژاردن ته‌نیا ڕێگه‌ی گۆڕانكاریه‌ بۆ ئه‌م دۆخه‌ ناهه‌مواره‌ی هه‌رێم وهه‌ر دواخستنێكی هه‌ڵبژاردن به‌شێكه‌ له‌پیلانی به‌رده‌وامی دۆخه‌كه‌.