ئەمساڵ لە فەڕەنسا تا ئێستا ٥٧ هەزار هێکتاری سەوزایی سووتاون
2022-08-12 00:00:00 - سەرچاوە: سپێده
بەپێی هەواڵێکی کەناڵی بی ئێف ئێم، کە تێیدا پشتی به زانیارییه‌كانی سستمی زانیاریی ئاگری دارستانەکانی ئەورووپا به‌ستووه، لە سەره‌تای ساڵەوە تا ئێستا لانیکەم ٥٧ هەزار و٦٠٠ هێکتار رووبه‌ری سه‌وزایی لە فەڕەنسا زیانی بەرکەوتووە.
لە وڵاتەکە، لە ساڵی ٢٠٠٣دا ٧٤ هەزار هێکتار رووبه‌ری سه‌وزایی سوتابوو.
لەلایەکی دیکەوە، له ١٩ ناوچه‌ی وڵاتەکە کە بە چوارەم شەپۆلی گەرمادا تێدەپەڕێت، ئاگادارکردنەوە له ئاستی پرتەقاڵی و لە ٤٥ ناوچه‌ش ئاگاداركردنه‌وه له ئاستی زەرد بەهۆی گەرماوە راگەیەندراوە.
