ئه‌نجومه‌نى جێبه‌جێكردنى یه‌كگرتوو پیرۆزبایى ساڵیادى دامه‌زراندنى پارتى ده‌كات
دیجیتاڵ میدیای سپێده
ئەنجومەنی جێبەجێکرن یەکگرتووی ئیسلامیی کودستان بۆ پارتی: بارودۆخی سیاسی ناوچه‌كه به تایبه‌تی عێراق و كوردستان به دۆخێكی ئاڵۆز و هه‌ستیاردا تێپەڕدەبێت و له‌به‌رده‌م چه‌ندین به‌ربه‌ست و مه‌ترسیدایه ، ئه‌وه‌ش له هه‌موو لایه‌ك ده‌خوازێت كه به‌په‌له و هه‌ستیارانه و به‌رپرسانه مامه‌ڵه‌ی بكه‌ین و به‌دوای رێگه‌چاره‌ی گونجاودا بگه‌رێین، بێگومان پارتی دیموكراتی كوردستان له‌و بواره‌دا به‌رپرسیاریه‌تێكی گه‌وره‌تری له‌سه‌ر شانه.
ئاماژه‌شیان به‌وه‌كردوه: لەو بۆنەیەدا بە پێویستی دەزانین جەختبکەینەوە لە زەرورەتی پارێزگاریکردن لە شوناسی ڕەسەنی ئیسلامیی و بەها باڵاکانی گەلەکەمان .
ده‌قی پیرۆزباییه‌كه:
به‌ناوی خوای گەورەو میهرەبان .
بەرێز / جەنابی کاک مسعود بارزانی - سەرۆکی پارتی دیموکراتی کوردستان .
بەڕێزان / مەکتەبی سیاسی و سەرکردایەتی .
رێز و سڵاوی برایانە...
بەبۆنه‌ی حه‌فتا و شه‌شه‌مین ساڵیادی دامه‌زراندنی پارتی دیموكراتی كوردستان جوانترین پیرۆزبایی له جه‌نابتان و مه‌كته‌بی سیاسی و سه‌ركردایه‌تی و سه‌رجه‌م ئه‌ندامان و لایه‌نگرانتان ده‌كه‌ین.
بەڕێزان ..
بارودۆخی سیاسی ناوچه‌كه به تایبه‌تی عێراق و كوردستان به دۆخێكی ئاڵۆز و هه‌ستیاردا تێپەڕدەبێت و له‌به‌رده‌م چه‌ندین به‌ربه‌ست و مه‌ترسیدایه ، ئه‌وه‌ش له هه‌موو لایه‌ك ده‌خوازێت كه به‌په‌له و هه‌ستیارانه و به‌رپرسانه مامه‌ڵه‌ی بكه‌ین و به‌دوای رێگه‌چاره‌ی گونجاودا بگه‌رێین، بێگومان پارتی دیموكراتی كوردستان له‌و بواره‌دا به‌رپرسیاریه‌تێكی گه‌وره‌تری له‌سه‌ر شانه.
یه‌كگرتووی ئیسلامی كوردستان پێیوایه یه‌كڕیزی و رێكخستنه‌وه‌ی ناوماڵی كوردستان و چاره‌سه‌ركردنی كێشه و گرفته‌كان و دژایەتیکردنی گەندەڵی و بەرقەراکردنی ئاشته‌وایی كۆمه‌ڵایه‌تی و دابینكردنی خزمه‌تگوزاریه‌كان و بژێوی شایسته‌ی هاوڵاتیان و ئەنجامدانی هەڵبژاردنی پەرلەمانی کوردستان له پێویستییه‌كانی هه‌نوكه‌یی ئه‌م قۆناغه‌ن و رێخۆشكه‌ریش ده‌بن بۆ چاره‌سه‌ری كێشه‌كانمان له به‌غدا .
هەر لەو بۆنەیەدا بە پێویستی دەزانین جەختبکەینەوە لە زەرورەتی پارێزگاریکردن لە شوناسی ڕەسەنی ئیسلامیی و بەها باڵاکانی گەلەکەمان .
هەروەها جه‌ختده‌كه‌ینه‌وه له‌سه‌ر به‌رده‌وامی و به‌ره‌وپێشچوونی په‌یوه‌ندیه‌كانی نێوان هه‌ردوولا له پێناو خزمه‌تكردنی زیاتری گه‌ل و وڵاتمان .
دووبارە پیرۆزبێت .
ئەنجومەنی جێبەجێکرن
یەکگرتووی ئیسلامیی کودستان
15/8/2022
