هەواڵی کوردستان ئێستا

دیجیتال میدیای سپێده‌

لە رووداوێكی هاتووچۆ لە قەزای دێرک لە پارێزگای ماردین، 16 کەس گیانیان لەدەستدا و 29 کەسی دیکەش برینداربوون.

رووداوکە بەجۆرێك بووە، کە لە دەوروبەری رووداوێكی هاتووچۆدا قەرەباڵغییەکی زۆر دروستبووە و، لەو کاتەدا بارهەڵگرێك دێت و پێش ئەوەی خۆی بۆ بگیرێتەوە، خۆی دەکات بەنێو قەرەباڵغییەکەدا و لە ژمارەیەك کەس دەدات.

فەخرەدین کۆجا، وەزیری تەندروستی تورکیا رایگەیاند، لە ئەنجامی ئەو رووداوە، 16 کەس گیانیان لەدەستداوە و 29ـی دیکەش برینداربوون، کە 8 لەوانە برینەکانیان سەختە و دۆخی تەندروستییان ناجێگیرە.

ئەمەش لەکاتێکدایە، هەر ئەمڕۆ رووداوێکی دیکەی هاتووچۆ لە باکووری کوردستان روویداوە، تا ئێستا بەکۆی گشتی لە هەردوو رووداوەکەدا نزیکەی 32 کەس گیانیان لەدەستداوە.