لە رۆژئاوای عێراق دوو حەشارگەی داعش خاپوور کران
2022-08-29 00:00:00 - سەرچاوە: سپێده
دیجیتاڵ میدیای سپێده
شانەی راگەیاندنی ئەمنی سەربە نووسینگەی سەرۆکوەزیرانی عێراق، خاپوورکردنی دوو حەشارگەی رێکخراوی تیرۆریستیی داعشی لە پارێزگای ئەنبار رۆژئاوای ئەو وڵاتە راگەیاند.
شانەی راگەیاندنی ئەمنی بڵاوی کردەوە کە بەپشت بەستن بە زانیارییە ھەواڵگرییەکان، فڕۆکە جەنگییەکانی (F-16) لە میانی ئەنجامدانی دوو ھێرشدا، دوو حەشارگەی رێکخراوی تیرۆریستیی داعشیان لە باکووری قەزای راوە رۆژئاوای پارێزگای ئەنبار بۆردومان کردووە.
راشیگەیاندووە کە لە ئاکامی بۆردومانەکاندا، حەشارگەکانی داعش خاپوورکراون.
جەختیشی کردووەتەوە لەسەر ئەوەی کە ھێزە ئەمنییەکان بەردەوامن لە ئەنجامدانی ئۆپەراسیۆن بۆسەر پاشماوەکانی رێکخراوی تیرۆریستیی داعش لەو ناوچانەی کە خۆیان حەشارداوە.
