رووداوێکی هاتوچۆ لە ئێران گیانلەدەستدانی 16 کەسی لێکەوتەوە
2022-08-30 00:00:00 - سەرچاوە: سپێده
دیجیتاڵ میدیای سپێده
لە پارێزگای خوزستان باشووری خۆرئاوای ئێران لە ئاکامی پێکدادانی بارهەڵگرێک و مینی پاسێکدا کە کرێکاری هەڵگرتبوو، ١٦ کەس گیانیان لەدەست دا و هەشتی دیکەش برینداربوون.
تەلەڤیزیۆنی فەرمی ئێران بڵاوی کردەوە، رووداوەکە بەیانی ئەمڕۆ لەسەر ئەو رێگایە روویداوە کە شاری شوشتەر بە شاری دێزفول دەبەستێتەوە.
لە ئەنجامی رووداوەکە کە تیایدا بارهەڵگرێک و مینیپاسێک بەریەککەوتوون، ١٦ کەس گیانیان لەدەست دا و هەشتی دیکەش برینداربوون.
بەهۆی ئەو رووداوەوە لە قەزای شوشتەر دوو رۆژ ماتەمینی راگەیەندرا.
