به‌هۆى گرانبوونى نرخى كاره‌با ژماره‌یه‌كى زۆر كارگه له به‌ریتانیا داده‌خرێن
دیجیتال میدیای سپێده
ئه‌وروپا به‌هۆى سزاكانى روسیا ڕوبه‌ڕووى قه‌یرانى كاره‌با و سوته‌مه‌نى ده‌بێته‌وه، ئاژانسی بلۆمبێرگى روسی بڵاویكرده‌وه له كۆى 10 كارگه له به‌ریتانیا به‌هۆی زیادبوونی نرخی كاره‌با شه‌ش كارگه مه‌ترسی داخستنى له‌سه‌ره.
ئاژانسه‌كه ئه‌نجامی ئه‌و به‌دواداچوونه‌ی بڵاوكردووه‌ته‌وه كه كۆمه‌ڵه‌ی خاوه‌ن كارگه‌كانی به‌ریتانیا بڵاویكردووه‌ته‌وه و ده‌ڵێت، به‌رزبوونه‌وه‌ی خێرای نرخی كاره‌با ڕه‌نگه ببێته هۆی داخستنی شه‌ش له كۆی 10 كارگه‌ی وڵاته‌كه‌دا.
به‌دواداچوونه‌كه ئاماژه‌ی به‌وه‌شكردووه، نزیكه‌ی نیوه‌ی كارگه‌كانی به‌ریتانیا ڕووبه‌ڕووی زیادبوونی نرخی كاره‌با بووه‌نه‌ته‌وه به‌ڕێژه‌ی سه‌د له‌سه‌د، ڕێكخه‌ری دامه‌زراوه‌ى وزه‌ی به‌ریتانی له‌كاتێكی پێشتردا به‌رزبوونه‌وه‌ی نرخی كاره‌بای بۆ به‌كاربه‌ران به بڕی 80 له‌سه‌د به‌رزكرده‌وه له سه‌ره‌تای 1ی تشرینی یه‌كه‌می داهاتووه‌وه، به‌هۆی به‌رزبوونه‌وه‌ی نرخی وزه له‌سه‌ر ئاستی جیهان پێشبینى ده‌كرێت هێشتا نرخى كاره‌با له ئه‌وروپا زیاتر بێت.
