دەست بەسەر کامێرای کەناڵەکانی ڕاگەیاندندا دەگیرێت
2022-09-04 00:00:00 - سەرچاوە: سپێده
دیجیتال میدیای سپێده
کاتژمێر8:30 خولەکی سەر لە بەیانی ئەمڕۆ هێزەکانی بەڕێوەبەرایەتی ئاسایشی شارەزوور، دەستیان گرت بەسەر کامێرای هەندێک لە کەناڵەکانی ڕاگەیاندندا لە پارێزگای هەڵەبجە.
ڕاگەیاندنەکان بۆ ڕووماڵی گردبوونەوەی خۆبەخشانی کەرتی تەندرووستی و دەرچووە دانەمەزراوەکان و چالاکانی مەدەنی لە بەردەم بەڕێوەبەرایەتی گشتی تەندرووستی هەڵەبجە بوون .
نزیکەی یەک کاتژمێرە کەمێراکانی سپێدە و ئێن ئار تی و گەلی کوردستان و کوردستان دەستیان بەسەردا گیراوە.
جێگه‌ی باسه كه پێشتریش لەکاتی رووماڵ كردنی خۆپیشاندانی خۆبەخشانی کەرتی تەندرووستی و دەرچووە دانەمەزراوەکان، هێزێکی ئەمنی پەلاماری کامێرای سپێدەی دا و رێگری رووماڵی خۆپیشاندانەکەی لێکردن.
