بەھۆی ئاگرکەوتنەوە لە کەمپێکی ئاوارەکان لە ھەولێر شەش کەرەڤان سووتان
2022-09-06 00:00:00 - سەرچاوە: سپێده
دیجیتال میدیای سپێده
ئاگر لە کەمپی ھەرشەم لە سنووری پارێزگای ھەولێر کەوتەوە و بەھۆیەوە، شەش کەرەڤانی ئاوارەکان سووتان.
كاتژمێر 6:00 به‌یانی ئه‌مڕۆ سێ شه‌ممه 6/9/2022 ، ئاگر لە کەمپی ھەرشەم لە سنووری پارێزگای ھەولێر کەوتەوە.
بەھۆی ئاگرکەوتنەوەکەوە، شەش کەرەڤانی ئاوارەکانی ناو کەمپەکە سووتاون، بەڵام زیانی گیانی نەبووە.
تا ئێستا نەزندراوە کە ھۆکاری ئاگر کەوتنەکە شۆرتی کارەباوە بووە، یان دزەکردنی گاز.
کەمپی ھەرشەم لە ساڵی ٢٠١٥دا لە نزیک شارۆچکەی عەنکاوە سەربە پارێزگای ھەولێر دروستکراوە کە ئاوارەکانی قەزای شنگال تیایدا نیشتەجێکراون.
لە ماوەکانی رابردوودا، چەندین حاڵەتی ئاگرکەوتنەوە لە کەمپی ھەرشەم روویانداوە کە جگە لە زیانی ماددیی، زیانی گیانیان نەبووە.
