ئێران دەستبەسەرداگرتنی بەلەمێکی لە کەنداوی بەسرە ڕاگەیاند کە سووتەمەنی قاچاخی بارکردووە
2022-09-10 00:00:00 - سەرچاوە: سپێده
ئێران لە کەنداوی بەسرە بەلەمێکی بیانی دەستبەسەردا گرت کە بانگەشەی ئەوە دەکرێت سووتەمەنی قاچاخی بارکردبێت و حەوت سەرنشینی به‌له‌مه‌كه‌یشی دەستگیرکرد.
بەپێی هەواڵێکی ئاژانسی فەرمی ئێران IRNA، فەرماندەی ناوچەی دووەمی هێزەکانی دەریایی سوپای پاسداران، رەمەزان زیراهی ئاماژەی بەوە کردووە کە ئۆپەراسیۆنیان بۆسەر بەلەمێک ئەنجامداوە کە سووتەمەنی قاچاخی بارکردووە.
رەمەزان زیراهی باسی لەوە کردووە کە لە ئەنجامی ئەو ئۆپەراسیۆنەی سوپای پاسداراندا کە لە دووری ٦٠ میل لە کەناراوەکانی ئێران ئەنجامیدا، دەستگیراوە بەسەر بەلەمێکدا کە بڕی ٧٥٧ هەزار لیتر سووتەمەنی قاچاخی بارکردبوو، هاوکات حەوت کەسی بیانی سەر بەلەمەکەش دەستگیرکراون.
زیراهی هیچ زانیارییەکی لەبارەی ناسنامەی تیمی بەلەمەکە کە دەستگیرکراون، نەخستووەتەڕوو.
