لە ئۆپەراسیۆنێکدا حەوت چه‌كدارانی داعش له كه‌ركووك دەستگیرکران
2022-09-30 00:00:00 - سەرچاوە: سپێده
ديجيتاڵ میدیای سپێده
دەستگیرکردنی حەوت چه‌كدارانی داعش لە ئۆپەراسیۆنێکدا لە پارێزگای کەرکووک راگەیەندرا.
بەپێی ئەو راگەیەندراوەی کە لە شانەی راگەیاندنی ئەمنیی سەربە نووسینگەی سەرۆکوەزیرانی عێراق بڵاو کراوەتەوە، ئۆپەراسیۆنێکی هاوکات بۆ سەر چەند ناونیشانێک لە ناوەندی شاری کەرکووک و ناوچەکانی خۆرئاوای شارەکە ئەنجامدراوە.
هێزە ئەمنییەکان، حەوت ئه‌ندامی رێکخراوی داعشیان لە گەڕەکی پەنجا عەلی لە ناوەند و خۆرئاوای شارەکە دەستگیرکردووە و دانیان بەوەدا ناوە کە بەشدارییان لە هێرشەکانی سەر هێزە ئەمنییەکان کردووە.
ئەوەش خراوەتەڕوو کە دوای تەواوبوونی رێکارە فەرمییەکان لەگەڵ ئەو کەسانە رەوانه‌ی دادگا کراون.
