لە عێراق دەستبەسەرداگرتنی پێنج کیلۆگرام ماددەی ھۆشبەر راگەیەنرا
2022-10-20 00:00:00 - سەرچاوە: سپێده
دیجیتال میدیای سپێده
دەزگای ئاسایشی نیشتمانیی عێراق، دەستگیرکردنی دوو بازرگانی ماددەی ھۆشبەر، ھەروەھا دەست بەسەرداگرتنی پێنج کیلۆگرام ماددەی ھۆشبەر لە جۆری کریستاڵ لە بەغدا راگەیاند.
دەزگای ئاسایشی نیشتمانیی عێراق لە راگەیەندراوێکدا ئاماژەی بەوەداوە کە ھێزەکانی سەربە دەزگای ئاسایشی نیشتمانیی لە میانی ئۆپەراسیۆنێکدا لە بەغدا، دوو بازرگانی ماددەی ھۆشبەریان دەستگیرکردووە.
ھەروەھا باسی لەوەش کردووە کە لە میانی ئۆپەراسیۆنەکەدا، دەست بەسەر پێنج کیلۆگرام ماددەی ھۆشبەر لە جۆری کریستاڵدا گیراوە.
